Nei, hvur andskotinn!!! Þetta verður eitthvað! - Partýleikur

Fyrsti alíslenski partýdrykkjuleikurinn! Leikurinn er uppfullur af endalausri gleði, dans, söng og sprenghlægilegum atriðum fyrir allan hópinn.

Ef þú gætir tekið skemmtilegustu partýleikina þína og sett þá alla í einn leik, þá er þetta spilið fyrir þig!

Sprenghlægilegur og bráðskemmtilegur partýleikur fyrir alla þá sem finnst gaman að syngja, dansa og skemmta sér og roðna ekki auðveldlega.

Þú kastar þremur teningum til að fá spurningu, áskorun eða dans, söng eða leik sem allir taka þátt í saman. QR kóðar fylgja öllum söng- og dansatriðum, svo þið einfaldlega skannið kóðana og lagið kemur upp samstundis.
Leikurinn gengur út á að fá allan hópinn með í skemmtunina, svo að leikmenn standa yfirleitt aldrei einir því tilgangurinn er að skemmta sér og hlæja saman.

Það eru þrír kaflar sem hver um sig er heill leikur og þú getur valið um að spila í einum kafla þar sem eru 216 valmöguleikar, eða öllum þremur, þar sem möguleikarnir eru orðnir 648. Hver kafli er aðeins klúrari, og líklegri til að fá ykkur til að roðna en sá á undan, en hver leikmaður getur valið sér kafla við hæfi og þarf því ekki að spila í sama kafla og hinir.

Spilið er ótrulega fjölbreytt og valmöguleikarnir endalausir, svo hægt er að spila leikinn ótal sinnum og aldrei fá sömu útkomuna.

Þessi litla bók eru þrír heilir leikir sem hver um sig inniheldur samansafn af ykkar uppáhalds partýleikjum. Leikurinn inniheldur allt sem til þarf til að gera partýið sprenghlægilegt og eftirminnilegt og er því tilvalinn ferðafélagi eða partur af partýinu.